ونسة “تحت تحت”.. ميرغني أبشر

طيب يا أحباب، إذا كان «المهدي المنتظر بتاع بريطانيا» (عبدالله هاشم) أخذ بمراجعاتي العلمية في وقت صيام شهر رمضان الصحيح وخاطب بذلك آلافًا من أتباعه، وقبلَهُ «المهدي المنتظر بتاع السودان» أخذ عني استشهاداتٍ كثيرةً ونقلها من كتابي السرانية: مقال في عقيدة الباطن ووثَّق لي ذلك في سلسلة منشورات «المسيح المهدي سليمان أبي القاسم موسى».
هل هذا الإجماعُ من المهديِّينَ المنتظرين على مرجعية أطروحاتي لا يمهِّدُ لي بأن أكونَ الأصلي وصاحبَ الرصةِ والمنصة؟ خاصةً وأن الدنيا بقت عند العصير وقريبَ المغيب، وكَثُرَ الهرجُ والمرج. وكمان أهلي الختمية — تحت تحت ومرات ظاهر — بيلمِحونَ إنّو صاحبَ الوقت منهم، ومعاها مَدْحات كده: «يا ميرغني يا ميرغني».
الشغلة دي النقوم عليها يمكن تجيب حقها، وتقلب جدًّا — بالذات عندي أصدقائي من “منظمة عالمية” تملك ملايينَ الأتباع حول العالم، ومعظمهم دكاترة وبروفسورات، ما ساهلين. برضو شايفين في الشوفة دي… فشنو؟ الشريحة دي شالت فيني، وأحسن تختُّو الكورة واطَّة واجتمعوا حولي مسلمون وغير مسلمون — يمكن أشوف ليكم مخرجًا من الورطة والبلبلة والحروبات والسُفَه العالمي الحاصل ده.
وشغْلتي زي راجلِ «التلاتة بعدين الما بصبِح الواطة»: أقطع رؤوسَ كلِّ الدجاجلة — طبعًا إلا أنا. 😂😂😂